(ਇੰਦਰਾ ਗਾਂਧੀ ਵੱਲੋਂ ਐਮਰਜੈਂਸੀ ਦੇ ਐਲਾਨ ਤੇ)
ਦੇਸ ਵਾਸੀਓ!
ਸੁਣੋ! ਸੁਣੋ!! ਅੱਜ ਦਾ ਐਲਾਨ
ਆ ਗਿਆ ਸ਼ਾਹੀ ਫੁਰਮਾਨ
ਕਿ ਹੁਣ ਰਾਣੀ ਨੰਗੀ ਨਾਚ ਕਰੇਗੀ
ਕੋਈ ਨਹੀਂ ਕਹਿ ਸਕੇਗਾ
ਰਾਣੀ ਤੂੰ ਅੱਗਾ ਢਕ..
ਦਰਬਾਰੀਓ!
ਨੱਚੋ ਰਾਣੀ ਦੇ ਅੱਗੇ ਤੇ ਪਿੱਛੇ
ਜੇ ਰਾਣੀ ਕੁਝ ਵੀ ਬੁੜ ਬੁੜਾਵੇ
ਤਾਂ ਕਹੋ-ਕਿਆ ਬਾਤ ਕਹੀ ਹੈ
ਜੇ ਰਾਣੀ ਨੂੰ ਛਿੱਕ ਵੀ ਆਵੇ
ਤਾਂ ਕਹੋ- ਕਿਆ ਚੀਜ਼ ਪੇਸ਼ ਕੀਤੀ ਹੈ
ਜੇ ਰਾਣੀ ਜ਼ਰਾ ਕੁ ਖੰਘੇ
ਤਾਂ ਕਹੋ- ਰਾਣੀ ਦੀਆਂ ਨਹੀਂਓ ਰੀਸਾਂ
ਤੇ ਹੁਣ ਰਾਣੀ ਨੰਗੀ ਨਾਚ ਕਰੇਗੀ
ਕੋਈ ਨਹੀਂ ਕਹਿ ਸਕੇਗਾ
ਰਾਣੀ ਤੂੰ ਅੱਗਾ ਢਕ..
ਓਮ ਪ੍ਰਕਾਸ਼ ਸ਼ਰਮਾ-'ਮੁਖਾਤਿਬ ਤੋਂ ਅਲਵਿਦਾ ਤੱਕ'
Subscribe to:
Post Comments (Atom)
No comments:
Post a Comment